मुंबई : मुंबई क्रूझ ड्रग्ज पार्टी प्रकरणी आर्यन खान याला मुंबई गुरुवारी हायकोर्टानं जामीन मंजूर केला आहे. आर्यन खान, मुनमुनधामेचा आणि अरबाज खान या तिघांना जामीन मंजूर झाला. निकालाची प्रत उद्या नसल्याने आर्यन खानला दोन दिवस तुरुंगातचकाढावे लागले. आज शनिवारी सकाळी त्याला जेल मधून सोडण्यात आले आहे.
आर्यन खानच्या जामीनासाठी शाहरुख खानने अनेक प्रयत्न केले असून त्यासाठी आतापर्यंत तीन वकील बदलले आहेत. आर्यन खानकडेकोणतेही ड्रग्ज सापडले नाहीत, त्याने ड्रग्ज घेतलेले कोणतेही पुरावे सापडले नाहीत. एनसीबीने अधिकरांचा दुरुपयोग करत आर्यनलापकडले, त्याची वैद्यकीय चाचणी देखील केली नाही असा आरोप आर्यन खानच्या वकिलांनी केला होता. आर्यन हा शाहरूख खानचामुलगा असल्याने हे प्रकरण तपास यंत्रणेने ताणून धरले असून तो सर्वसामान्य मुलगा असता तर हे प्रकरण एवढं वाढलच नसतं असहीवकिलांनी कोर्टाला सांगितलं. आर्यन खानला या प्रकरणात पूर्णपणे अडकवल असल्याचा दावा त्याच्या वकिलांनी मुंबई उच्चन्यायालयात केला होता.
सर्वांचा युक्तिवाद पूर्ण झाल्यानंतर न्यायालयाने जामिनावर अंतिम निर्णय दिला. त्यामुळे आर्यन खानची दिवाळी तुरुंगात न जाताआपल्या घरी ‘मन्नतवर’ जाणार हे स्पष्ट झालंय.आर्यन खानची बाजू मांडण्यासाठी भारताचे माजी ऑटर्नी आणि ज्येष्ठ वकील मुकुलरोहतगी यांच्यासह ज्येष्ठ वकील सतीश मानेशिंदे न्यायालयात हजर होते. तिन्ही आरोपींच्या वकिलांनी जामिनासाठी न्यायालयासमोरयुक्तिवाद केल्यानंतर आज एनसीबीच्यावतीने अतिरिक्त सॉलिसीटर जनरल अनिल सिंग यांनी बाजू मांडली. त्यावर रोहतगी यांनी पुन्हायुक्तिवाद केला. यानंतर न्यायालयाने निर्णय सुनावला.