मुंबई : अल्पसंख्यांक मंत्री नवाब मलिक यांनी आज सकाळी ट्विटरवरुन पुन्हा एकदा खळबळ उडवून दिली आहे. मलिक यांनी भाजपाआणि ड्रग्जचा व्यवसाय करणाऱ्यांचे संबंध असल्याचा आरोप करत थेट विरोधीपक्ष नेते देवेंद्र फडणवीस यांची पत्नी अमृता फडणवीसयांचा एक फोटो ट्विट केला आहे. या फोटोमध्ये अमृता फडणवीस यांच्यासोबत फोटोत असणारी व्यक्त ड्रग्ज पेडलर असल्याचा दावाकरण्यात येत आहे.
“चलो आज भाजपा और ड्रग्स पेडलर के रिश्तों पे चर्चा करते है,” अशा कॅप्शनसहीत हा फोटो नवाब मलिक यांच्या ट्विटर हॅण्डलवरुनशेअर करण्यात आला आहे. निशांत वर्मा यांनी आपल्या ट्विटर अकाउंटवरुन एक फोटो शेअर करुन भाजपचं ड्रग्स नेक्सस असं म्हटलंआहे. हा फोटो अमृता फडणवीस यांचा असून यामध्ये ‘जयदीप चंदूलाल राणा’ असल्याचा दावा निशांत वर्मा यांनी केली आहे. त्यांच्यामते, जयदीप राणा हा एक ड्रग्स पेडलर असून त्याला जून 2021 मध्येच अटक करण्यात आली होती.
निशांत वर्मा हे स्वत:ला राष्ट्रीय राजकीय विश्लेषक असल्याचं सांगतात. त्यांच्या ट्विटर अकाउंटवर देखील त्यांनी असंच म्हटलं आहे. दरम्यान, त्यांच्या ट्विटर अकाउंट पाहिल्यास एक लक्षात येईल की, ते भाजपविरोधात अनेक वक्तव्य करतात. तसेच भाजप आणित्यांच्या नेत्यांवर देखील सातत्याने टीका करत असल्याचं दिसून आलं आहे.