पुणे : पंजाबी गायक सिद्धू मुसेवाला याच्या भरदिवसा हत्या करण्यात आली. या हत्याकांडात पुण्यातील दोघांचा समावेश असल्याची धक्कादायक माहिती समोर आली आहे. यापूर्वी या प्रकरणी लॉरेन्स बिष्णोईला ताब्यात घेतलं आहे.
त्याने दिलेलया कबुली जबाबात अनेक चकित करणारे खुलासे समोर येत आहेत. आता या हल्ल्यातील शूटर्स विरोधात लूक आऊट नोटीसही जाहीर करण्यात आली आहे. विशेष म्हणजे हे शूटर्स पुण्यातील असल्याचं सूत्रांनी दिलेल्या माहितीमध्ये समोर आलं आहे. सौरभ महांकाळ, संतोष जाधव अशी संशयित आरोपींची नावं आहेत. या दोघांनाही ताब्यात घेण्यासाठी यंत्रणा कामाला लागली आहे.
दरम्यान या दोघांपैकी संतोष जाधव सहा महिन्यापासून फरार आहे. टोळी युद्धातून खून प्रकरणात हात असल्याने संतोष हा गेले सहा महिने गायब आहे. मंचरमधील ओंकार बाणखेलेच्या खुनानंतर संतोष जाधव हा फरार आहे. त्याच्यावर मोक्का अंतर्गतही गुन्हा दाखल आहे. पुणे ग्रामीण पोलिसांकडे संतोषच्या पंजाब कनेक्शनचे काही ट्रेसेस होते.