पुणे : पंजाबी गायक सिध्दू मुसेवाला यांच्या हत्या प्रकरणात पुणे ग्रामीण पोलिसांनी दोघांना अटक केली असून त्यांच्याकडून धक्कादायक माहिती समोर आली आहे.
गॅंगस्टर लॅरेन बिष्णोई याच्या गॅंगच्या संपर्कातग्रामीण भागातील ११ तरुण असल्याची प्राथमिक माहीती पोलीसांना मिळाली आहे.
पोलीसांना मिळालेल्या या माहीतीमुळे ग्रामीण भागात घबराहटीचे वातावरण पसरले आहे. त्याचबरोबर पोलीसांनीही याबाबत आश्चर्य व्यक्त केले आहे. यामुळे ग्रामीण पोलीसांसमोर आता मोठे आव्हान तयार झाले आहे.
पंजाबी गायक सिध्दू मुसेवाला यांच्या हत्याप्रकरणात बिश्र्नोईचा हात असल्याचा संशय आहे. याप्रकरणात पोलीसांनी त्याला अटक केली असून सध्या तो तुरुंगात आहे.या प्रकरणा कांबळेसह कुख्यात गुंड संतोष जाधव यालाही अटक केली आहे. पोलीसांनी कांबळे याच्याकडे केलेल्या चौकशीत अकरा तरुणांबाबत माहिती मिळाली होती. त्याशिवाय अभिनेता सलमान खान व त्याच्या वडिलांनाही बिश्र्नोई गॅंगने धमकी दिली होती.