पुणे : सिंहगड येथे ट्रेकिंगसाठी गेलेल्या तरुणाचा दरड कोसळल्याने मृत्यू झाला. हेमांग गाला असे मृत्यू झालेल्या तरुणाचे नाव आहे. शोधकार्य करुन त्याचा मृतदेह बाहेर काढण्यात आला.
मिळालेल्या माहितीनुसार, हेमांग आणि त्याचे मित्र काल शनिवारी सुट्टी असल्याने ट्रेकिंगसाठी सकाळी सिंहगड चढण्यासाठी आले होते. दरम्यान अचानक दरड कोसळली. या दरड अपघातानंतर हेमांग गाला बेपत्ता झाला. वन विभागाचे कर्मचारी व स्थानिक लोकांनी तात्काळ घटनास्थळी धाव घेतली आणि शोधकार्य सुरू केले.
अथक शोधकाऱ्यानंतर काल रात्री 11.30 च्या सुमारास हेमांग गाला याचा मृतदेह दगडांच्या ढिगाऱ्याखाली सापडला. दगडांखाली सापडल्याने या तरुणाचा दुर्देवी मृत्यू झाला. अशी माहिती विठ्ठल बनोटे, आपत्ती व्हायस्थापन अधिकारी, पुणे जिल्हाधिकारी कार्यालयात यांनी दिली.