पिंपरी : रात्रीच्या वेळी बुलेट गाडी चोरून येणाऱ्या चोरट्याला गुन्हे शाखा युनिट दोनच्या पोलिसांनी अटक केली. मागील आठवड्यातचिंचवडेनगर येथे एका दुकानासमोरून बुलेट चोरीची घटना उघडकीस आली होती. या प्रकरणाचा समांतर तपास करत पोलिसांनीबुलेट चोराला बेड्या ठोकल्या.
धर्मराज दत्तू बंडगर असे अटक केलेल्या बुलेट चोराचे नाव आहे. सुधीर गजभिव (38, रा. चिंचवड) यांनी याप्रकरणी आठ एप्रिल रोजीचिंचवड पोलीस ठाण्यात फिर्याद दिली होती.
पोलिसांनी दिलेल्या माहितीनुसार, फिर्यादी गजभिव यांनी त्यांची बुलेट दुचाकी चिंचवडे नगर येथील बुलेट चहा या दुकानासमोर पार्ककेली. रात्रीच्या वेळी त्यांची दुचाकी चोरीला गेल्याचे उघडकिस आले. याबाबत गुन्हा दाखल केल्यानंतर गुन्हे शाखा युनिट दोनने याप्रकरणाचा समांतर तपास केला. त्यामध्ये पोलिसांनी परिसरातील सीसीटीव्ही फुटेजची पाहणी करून आरोपीची ओळख पटवली. त्यानंतर त्याला अटक करण्यात आली आहे.
ही कामगिरी पोलीस उप आयुक्त स्वप्न गोरे, सहाय्यक पोलीस आयुक्त डॉ. प्रशांत अमृतकर यांच्या मार्गदर्शनाखाली गुन्हे शाखा युनिटदोनचे वरिष्ठ पोलीस निरीक्षक जितेंद्र कदम, पोलीस उपनिरीक्षक गणेश माने, सहाय्यक पोलीस फौजदार दीपक खरात, पोलीसअंमलदार जयवंत राऊत, देवा राऊत यांच्या पथकाने केली.