मुंबई ः बाॅलिवूड आणि हाॅलिवूडमध्ये आपल्या दमदार अभिनयाचा डंका वाजविणारी प्रियंका चोप्रा हिने आगामी ‘वी कॅन बी हिरोज’ चित्रपटाचा ट्रेलर आपल्या इन्स्टाग्रामवर शेअर केला आहे. या ट्रेलरमध्ये तिचा वेगळा लूक प्रेक्षकांसमोर आला आहे. चित्रपटातील एंट्री पाहण्यासारखी आहे.
चित्रपटाचा ट्रेलर शेअर करताना कॅप्शनमध्ये प्रियंका म्हणते की, ”ख्रिसमसच्या खास निमित्ताने या लहान मुलांच्यासोबत केलेले टीमवर्क. या लहान मुलांच्यासोबत काम करण्यात वेगळाच उत्साह मिळतो.”
https://www.instagram.com/tv/CIYc7DBHH88/?utm_source=ig_web_copy_link
‘वी कॅन बी हिरोज’ हा चित्रपट पूर्णपणे सुपर नॅचरल फिल्म आहे. यामध्ये प्रियंका ही क्रिस्टीयन स्लॅटर, सुंग कॅंग, पेड्रो पास्कल, बाॅयड होलब्रुक आणि हॅले रिलहार्ट यांच्यासोबच मुख्य भूमिकेत दिसणार आहे. या चित्रपटाचे प्रसिद्ध फिल्ममेकर राॅबर्ट रोड्रिग्स निर्माते आहेत. २००५ मध्ये रिलीज झालेल्या ‘द एडवेंचर्स ऑफ शार्कबाॅय एंड लावागर्ल’ या चित्रपटाचा सिक्वल आहे.