मुंबई ः करोना आणि टाळेबंदीमुळे सर्वच क्षेत्रातील हालचाली बंद झाल्या होत्या. त्यात मराठी मालिकांदेखील ब्रेक मिळाला होता. काही मालिका बंदच झाल्या तर काही चॅनल्सनी जुन्या मालिकांचे एपिसोड दाखवून वेळ निभावून नेली. पण, आता सर्व पूर्ववत झाल्यामुळे प्रेक्षकांच्या नव्या मालिका येत आहेत. काही वेळापूर्वीच झी मराठी चॅनेलवर ‘येऊ कशी तशी मी नांदायला’, याचा प्रोमो पाहायला मिळाला.
ही मालिका सोमवार ते शुक्रवार रात्री ८ वाजता झी मराठीवर ४ जानेवारीपासून प्रेक्षकांच्या भेटीला येत आहे. त्यामुळे ‘माझ्या नवऱ्याची बायको’ हा मालिका बंद होणार की काय, अशी चर्चा होताना दिसत आहे. माक्ष, ही मालिका बंद होणार नाही, असे वृत्त आहे. त्याच बरोबर ‘तुझ्यात जीव रंगाला’ हा लोकप्रिय मराठी मालिकादेखील संपणार असल्याचे कळत आहे.
‘तुझ्यात जीव रंगाला’ या मालिकेला महाराष्ट्राच्या जनतेने भरभरून प्रेम दिले आहे. तसेत राणा आणि अंजलीच्या प्रेमकेथने चॅनललाही चांगलाच टीआरपी मिळवून दिलेला आहे. तर, ‘माझ्या नवऱ्याची बायको’ ही मालिका बंद होणार नाही. तर तिची वेळ बदलली जाणार आहे. ‘तुझ्यात जीव रंगाला’ या मालिकेच्या वेळेत ‘माझ्या नवऱ्याची बायको’ ही मालिका प्रेक्षकांना पाहायला मिळणार आहे.