पुणे ः १० आणि १२ वीच्या पुरवणा परीक्षेचा निकाल उद्या दुपारी २ वाजता www. mahresult.nic.in या संकेतस्थळावर लागणार आहे. राज्य मंडळाने नोव्हेंबर आणि डिसेंबरमध्ये दहावी आणि बारावीची पुरवणी परीक्षा घेण्यात आली होती, त्याचे निकाल उद्या ऑनलाइन लागणार आहेत, अशी माहिती राज्य मंडळाचे सचिव डाॅ. अशोक भोसले यांनी प्रसिद्धीपत्रकाद्वारे दिली आहे.
पुणे, नागपूर, औरंगाबाद, कोल्हापूर, मुंबई, अमरावती, नाशिक, लातूर आणि कोकण या नऊ विभागीय मंडळांतर्फे १० व १२ वीची पुरवणी परीक्षा घेण्यात आली होती. बुधवारी (२३ डिसेंबर) दुपारी २ वाजता विद्यार्थ्यांना हा निकाल राज्य मंडळाच्या संकेतस्थळावर पाहता येणार आहे. विद्यार्थ्यांना विषयनिहाय गुण पाहता येतील. निकालाची प्रिंटआऊटदेखील घेता येणार आहे. त्याचबरोबर उत्तरपत्रिकेच्या पूनर्मूल्यांकनासाठू विद्यार्थ्यांना अर्ज करता येणार आहे.