पिंपरी : फुटपाथवर लावलेल्या टपरीवर कारवाई न करण्यासाठी 4 हजार रुपयांची लाच स्वीकारणाऱ्या पुणे महानगरपालिकेच्या विमाननगर येथील क्षेत्रीय कार्यलयातील दोन सहायक अतिक्रमण निरीक्षकांवर लाच लुचपत प्रतिबंध विभागाने कारवाई केली आहे.
ही कारवाई पिंपरी चिंचवड येथील सांगवी परिसरात करण्यात आली आहे. ऋतिक बाळासाहेब वाळके आणि विलास शिवाजी अभांगे यांच्याविरुद्ध कारवाई करुन गुन्हा दाखल करण्यात आलेला आहे.
मिळालेल्या माहितीनुसार; वाळके आणि अभांगे हे दोघे पुणे महानगरपालिकेच्या नगर रोडवरील क्षेत्रीय कार्यलयात कार्यरत आहेत. तक्रारदार यांची टपरी फुटपाथवर असते. त्यामुळे त्या टपरीवर कारवाई न करण्यासाठी 4 हजार रुपयांची लाच मागितली.
ही रक्कम स्वीकारताना लाच लुचपत प्रतिबंध विभागाने कारवाई केली. पुढील तपास सुरु आहे. याबाबत सांगवी पोलीस ठाण्यात गुन्हा दाखल करण्यात आलेला आहे.