पुणे : शहर पोलीस दलात कार्यरत असणाऱ्या एका पोलीस कर्मचाऱ्याने आज सायंकाळच्या सुमारास राहत्या घरात गळफास घेऊन आत्महत्या केली.
नाना हंडाळ (४०) असे या पोलीस कर्मचाऱ्यांचे नाव आहे. बंडगार्डन पोलीस ठाण्यात ते पोलीस नाईक पदावर कार्यरत होते.
या प्रकरणी प्राथमिक माहिती अशी की, नाना हंडाळे शिवाजीनगर येथील पोलीस वसाहतीतील डी इमारतीत रहात होते. त्यांना एक मुलगी आहे. आज सायंकाळी साडेपाच वाजण्याच्या सुमारास त्यांनी राहत्या घरात गळफास घेतल्याचे उघडकीस आले.
पोलिसांना याची माहिती मिळाल्यानंतर त्यांनी तातडीने घटनास्थळी धाव घेतली असता गळफास घेतलेल्या अवस्थेत ते दिसून आले. नाना हंडाळे यांच्या आत्महत्येने पोलीस दलात शोककळा पसरली आहे.