पिंपरी : भाजपचे नगरसेवक एकनाथ पवार का म्हणाले … महापालिकेच्या सर्वसाधारण सभेत चर्चा करत असताना राष्ट्रवादी काँग्रेसचे नगरसेवक अजित गव्हाणे यांनी भाजपमधील अनेक नगरसेवक राष्ट्रवादी काँग्रेसमध्ये प्रवेश करतील अशी टिपणी केल्यानंतर भाजपचे माजी पक्षनेते , नगरसेवक एकनाथ पवार यांनी स्वतःच्या पक्षातील नगरसेवकांना साद घालत विरोधी पक्षाकडून आमिषे दाखवली जातील .
तरी आपल्या नगरसेवकांनी कोणीही जाऊ नये . पुढच्या नऊ मार्चला महापालिकेत भाजप पुन्हा सत्तेवर येईल असे सांगत मी पुन्हा येईन चा नारा दिला . काल पिंपरी चिंचवड महानगरपालिकेच्या महासभेत सत्ताधारी आणि विरोधक यांच्यात जोरदार वाक्युद्ध झाले .
नगरसेवक एकनाथ पवार यांना मी पुन्हा येईन हे स्वप्न पडले आहे ते विरोधी पक्ष म्हणुन येतील त्यांचं आम्ही स्वागतच करू, आणि त्यांच्या डोक्यात हवा भरली आहे.ती हवा येत्या महनगरपलिकेच्या निवडणुकीला नक्की काढू. असे प्रतिउत्तर विरोधी पक्षनेते राजु मिसाळ यांनी पत्रकारांशी बोलताना दिले.