पिंपरी : शहराच्या मध्यवर्ती ठिकाण असणाऱ्या डॉ. आंबेडकर चौकात टोळक्याचा गुन्हेगारांच्या टोळक्याने राडा घातला. हातात पिस्तुल, कोयत्याने, गट्टू ने रिक्षा चालकाला मारहाण केली. सोसायटीत पिस्तुल घेऊन टोळके शिरल्याने एकच खळबळ माजली आहे. ही घटना रविवारी सायंकाळी घडली आहे.
शहरातील वर्दळीच्या ठिकाणी गुन्हेगारांचा थरार पाहायला मिळाला. भरदिवसा हातात पिस्तुल, कोयते घेऊन एका रिक्षा चालकास मारहाण केली. यामुळे परिसरात घबराट पसरली आहे. नागरिकांमध्ये भीतीचे वातावरण निर्माण झाले आहे.
पिंपरी पोलीस ठाण्याच्या हद्दीत आज रविवारी सायंकाळी ही घटना घडली. हा सर्व प्रकार सीसीटीव्ही मध्ये कैद झाला आहे. टोळक्याने एका रिक्षा चालकास बेदम मारहाण केली आहे. हा प्रकार नक्की कशातून झाला आहे याबाबत अद्याप माहिती समोर आली नाही.
घटनेची माहिती मिळताच पोलीस घटनास्थळी पोहचले आहेत. हातात हत्यारे घेऊन दहशत माजविणाऱ्या टोळक्याचा शोध घेत आहेत. पोलीस तपास करत आहेत.