पुण्यात आज पहाटेच्या सुमारास दोन ट्रकच्या झालेल्या भीषण अपघातात दोघांचा जागीच मृत्यू झाला. कात्रज बोगद्याजवळ भुमकर पुलावर हा अपघात झाला. हा अपघात इतका भयानक होता की अपघातग्रस्त ट्रकचा चेंदामेंदा झालाय. ट्रकच्या केबिनमध्ये अडकून पडलेले मृतदेह क्रेनच्या मदतीने बाहेर काढावे लागले. अखेरचा प्रयत्न नंतर हे मृतदेह बाहेर काढून शवविच्छेदनासाठी ससून रुग्णालयात दाखल करण्यात आले.
याप्रकरणी अधिक माहिती अशी की, आज पहाटेच्या सुमारास कात्रज बोगद्यातून दारूची वाहतूक करणारा ट्रक जात असताना पाठीमागून आलेल्या भरधाव मालट्रकने त्याला पाठीमागून जोराची धडक दिली. हा अपघात इतका भयानक होता की यामध्ये ट्रकची समोरील बाजू संपूर्णपणे चेंदामेंदा झाली. यामध्ये चालक आणि त्याच्या जवळ बसलेले दोघेजण अडकून पडले होते. यात दोघांचा जागीच मृत्यू झाला तर एक जण गंभीर जखमी झाला आहे.
अपघाताची माहिती मिळाल्यानंतर सिंहगड पोलीस आणि अग्निशमन दलाच्या कर्मचाऱ्यांनी घटनास्थळी धाव घेत अडकून पडलेल्या ट्रकमधील तिघांनाही बाहेर काढले. यातील दोघांचा जागीच मृत्यू झाला होता तर एक जण गंभीर अवस्थेत होता. त्यानंतर
मृतदेह शवविच्छेदनासाठी तर जखमींना उपचारासाठी रुग्णालयात उपचारासाठी केले. .
आज पहाटे झालेल्या या घटनेमुळे सर्वत्र हळहळ व्यक्त करण्यात येत आहे.. या अपघातात मृत्युमुखी पडलेल्या व्यक्तींची ओळख अद्याप पटलेली नाही. सिंहगड पोलीस स्टेशन मध्ये या प्रकरणी गुन्हा दाखल करण्याची प्रक्रिया सुरू आहे. या अपघातामुळे आज पहाटेच्या सुमारास या मार्गावर वाहतुकीची कोंडी झाली होती. पहाटेच्या सुमारास अंधार असल्यामुळे मदतकार्यात अडथळे येत होते. अखेर क्रेनच्या सहाय्याने अपघातग्रस्त ट्रक रस्त्यावरून बाजूला केले आणि हळूहळू वाहतूक सुरळीत होण्यास सुरुवात झाली.