सातारा : आमदार शिवेंद्रराजे भोसले आणि आमदार शशिकांत शिंदे यांच्यातील वाद पेटला आहे. शिवेंद्रराजे भोसले यांनी शशिकांत शिंदे यांना दम देत म्हटलं की, माझी वाट लागली तरी चालेल, माझं सर्व संपलं तरी चालेल पण मी त्याचं सर्व संपवल्याशिवाय शांत राहणार नाही. असे एका छोट्या कार्यक्रमात बोलले आहेत.
आमदार शिवेंद्रराजे भोसले यांनी भाजपचा झेंडा हातात घेतल्यानंतर साताऱ्यातील राष्ट्रवादीचा गड राखण्यासाठी सध्या आमदार शशिकांत शिंदे चांगलेच आग्रेसर झाले आहेत. तर शिवेंद्रराजे यांनी शशिकांत शिंदेंच्या पिचवर म्हणजे त्यांच्या मुळ गावातील जावली भागावर आपली पकड मजबूत केली आहे.
शशिकांत शिंदे हे कायमच शिवेंद्रराजेंबद्दल खाजगीत बोलत असतात. विधानसभा निवडणूकीत मी पडण्यामध्ये मोठा हात हा शिवेंद्रराजेंचा आहे, म्हणूनच मी माझ्या पिचवर म्हणजे जावली खोऱ्यात त्यांना त्रास देणार. याच कारणातून आता शिवेंद्रराजे भोसले यांनी जावली येथील कुडाळ येथे झालेल्या छोट्या कार्यक्रमात शशिकांत शिंदेंना जाहीर आव्हान देत माझी वाट लागली तरी चालले पण मी त्यांची ही वाट लावणार, असा सज्जड दमच दिला.