पिंपरी : प्राधिकरणाच्या सेक्टर 12 येथील गृहप्रकल्प योजनेसाठी 18 एप्रिलपर्यंत अर्ज करता येणार आहे. तर, सोडतीसाठी 19 एप्रिलपर्यंत ऑनलाईन पध्दतीने अर्ज भरता येईल.
या गृहप्रकल्पाची सोडत 7 मे रोजी सकाळी 11 वाजता काढण्यात येईल, असे प्राधिकरण कार्यालयाने स्पष्ट केले आहे.
प्राधिकरणाच्या या गृहप्रकल्पासाठी 26 हजार नागरिकांनी नोंदणी केली असून, वीस हजार अर्ज प्राप्त झाले आहेत. ऑनलाईन अर्ज करण्यासाठी पूर्वीच्या अटी व शर्तीमध्ये कोणताही बदल करण्यात आलेला नाही.
अटी व शर्तीसाठी प्राधिकरण कार्यालयाचे संकेतस्थळ www.pcntda.org.in अथवा lottery.pcntda.org.in या संकेतस्थळावर माहितीपत्रक उपलब्ध करून देण्यात आले आहे. तसेच, याच संकेतस्थळावरुन गृहप्रकल्पासाठी ऑनलाईन पध्दतीने अर्ज करता येईल. प्राधिकरण कार्यालयामार्फत याबाबत प्रसिद्धी पत्रक काढले आहे.