मुंबई : भाजप पक्षामध्ये अनेकजण नाराज असून, हे नाराज आमदार लवकरच राष्ट्रवादीत येतील असे मत राष्ट्रवादीचे प्रदेशाध्यक्ष जयंत पाटील यांनी व्यक्त केले.
गेले काही दिवस अनेक सदस्य चर्चा करत आहे. हाताच्या दोन्ही बोटांपेक्षा जास्त सदस्य भाजपमध्ये नाराज आहेत. त्यांच्यातील बऱ्याच जणांचा राष्ट्रवादीकडे येण्याचा कल आहे, लवकर निर्णय घेतला जाईल, असं म्हणत जयंत पाटलांनी एकच खळबळ उडवून दिली.
भाजपचे ज्येष्ठ नेते एकनाथ खडसे राष्ट्रवादीत आल्यानंतर मोठी मेगा भरती सुरु झाली आहे. अनेक माजी आमदार राष्ट्रवादीत प्रवेश करत आहेत. यातच जयंत पाटील यांनी केलेल्या व्यक्तव्याने राजकीय वर्तुळात खळबळ उडाली आहे.