चिंचवड पोटनिवडणूक : अपक्ष उमेदवार राहुल कलाटे यांच्या मनधरणीला शिवसेना नेते सचिन अहिर पोहचले वाकडला

यापूर्वी राष्ट्रवादीचे मावळचे आमदार सुनील शेळके यांच्यासह राष्ट्रवादीच्या नेते स्थानिक नेत्यांनी कलाटे यांची मनधरणी करण्याचा प्रयत्न केला होता. मात्र त्यानंतरही कलाटे आपल्या बंडखोरीवर ठाम होते. आता आज उमेदवारी अर्ज माघारी घेण्याचा शेवटचा दिवस आहे. त्यामुळे शिवसेनेच्या वतीने नेते सचिन अहिर हे राहुल कलाटे यांची मनधरणी करण्यासाठी वाकड येथे आले आहेत. कलाटे यांच्याशी चर्चा सुरू आहे. यावेळी त्यांच्यासोबत स्थानिक नेते उपस्थित आहेत. आता या भेटीनंतर राहुल कलाटे नेमकी काय भूमिका घेतात याकडे सर्व राजकीय वर्तुळाचे लक्ष लागले आहे.