पिंपरी : बैलगाडा शर्यतीवरील बंदी न्यायालयाने उठवल्यानंतर प्रथमच भव्य शर्यतीचे आयोजन मावळ तालुक्यात करण्यात आले आहे. राष्ट्रवादीचे आमदार सुनील शेळके यांच्या प्रयत्नांतुन एक जानेवारीला होणार आहे.
1) गाडीवान म्हणून बैलगाडी शर्यतीत सहभाग घेऊ इच्छिणारा कोणताही गाडीवान किंवा सहभागी त्यांच्या ओळखीबाबतचा पुरावा आणि बैल व वळू यांचे छायाचित्र यांसह शर्यतीच्या 48 तास आधी आयोजकांकडे अनुसूची सीमध्ये अर्ज करेल.
2) वरील प्रमाणे शर्यतीत सहभाग घेणाऱ्या सर्व व्यक्ती, नोंदणीकृत पशुवैद्यकीय व्यवसायीकाकडून बैलाची/ वळूची तपासणी करून आणि ते निरोगी असल्याचे प्रमाणीत करून घ्यावे व शर्यतीच्या अगोदर अनुसूची ब ” मध्ये विनिर्दिष्ट केलेल्या नमुन्यामध्ये नोंदणीकृत पशुवैद्यकीय व्यावसायीकाचे प्रमाणपत्र सादर करावे.स्वास्थ्य (फिटनेस) प्रमाणपत्राची वैधता, शर्यतीचे दिवस धरून 48 तास इतकी असेल.
3) शर्यतीस प्रारंभ होण्यापूर्वी, शर्यतीस उपस्थित राहणाऱ्या दोन अधिका-यांना आयोजकाकडून अर्जाचे नमुने आणि नोंदणीकृत पशुवैद्यकीय व्यवसायीचे स्वास्थ्य प्रमाणपत्रे सादर करावे.
4) ज्या गाडीवानाकरिता व बैलाकरिता अर्जाचे नमुने आणि पशुवैद्यकीय स्वास्थ्य प्रमाणपत्रे आयोजकांनी प्राप्त केली आहेत आणि ती त्यांनी सदर अधिकाऱ्यांकडे सादर केली आहेत केवळ तोच गाडीवान व बैलशर्यतीत आणि कोणत्याही स्पर्धेत भाग घेण्यास हक्कदार असेल.
5) आयोजक यांनी बैलगाडी शर्यतीचे अर्जात आणि दिलेल्या परवानगीत विनिर्दिष्ट केलेल्या ठिकाणी व दिनांकासच सदर स्पर्धचे आयोजन करावे.
6) शर्यतीसाठी 1000 मीटरपेक्षा अधिक लांबीचे धावण्याचे अंतर नसावे. अशा योग्य धावपट्टीवर बैलगाडी शर्यतीचे आयोजन करण्यात यावी. बैलगाडी शर्यतीची धावपट्टी ही अतिशय उतार असलेली दगड किंवा खडक असलेली, चिखल, दलदल असलेली पाणथळीची किंवा पातळ चिखल असलेले ठिकाण असलेली नसावी. बैलगाडी शर्यत रस्त्यावर किंवा महामार्गावर आयोजित करण्यात येऊ नये.
7) बैलांना किंवा बळूना एखाद्या विशिष्ट शर्यतीसाठी किमान 30 मिनिटे आराम द्यावा आणि कोणत्याही वळूचा किंवा बैलाचा वापर एका दिवसामध्ये तीनपेक्षा अधिक शर्यतीसाठी करण्यात येऊ नये. धावपट्टीवर आणण्यापूर्वी किमान 20 मिनिटे आराम द्यावा.
8) केवळ एका गाडीवानास बैलगाडी चालविण्यास परवानगी असेल आणि अन्य कोणतेही वाहन धावपट्टीवर किंवा धावपट्टी बाहेर बैलगाडी भोवती चालविता येणार नाही;
9) कोणताही गाडीवान किंबा बैलाच्या शर्यतीचा प्रस्ताव देणारी व्यक्ती, तिच्याकडे किंबा गाडीवर कोणतीही काठी, चाबूक, पिंजरी किंवा बैलास दुखापत करू शकेल किंवा बैलास विजेचा धक्का देऊ शकेल, असे कोणतेही साधन किंवा उपकरण बाळगणार नाही याची दक्षता घ्यावी.
10) पाय बांधणे किंवा बैलास काठीने मारणे अथवा पायाने मारणे अथवा चाबूक अथवा पिंजरी यासारखे कोणतेही साधन अथवा विद्युत धक्का किंवा अन्य साधनांचा वापरणे अथवा जननअंग पिळणे अथबा जनन अंगावर लाथ मारणे अथवा आरुने जननअंगास इजा पोचवणे अथवा शेपूट पिरघळणे अथवा शेपटीस चावा घेणे यास गाडीवानास प्रतिबंध असेल.
11) शर्यतीमध्ये धावणाऱ्या बैलांच्या अथवा वळूंच्या जोड्या या, एकमेकांशी योग्यरीत्या सुसंगत असाव्यात.
12) बेलगाडी शर्यतीकरिता वळू अथवा बैलांना इतर कोणत्याही प्रकारच्या प्राण्या सोबत जुंपण्यात येणार नाही याची दक्षता घ्यावी.
13) वळू अथवा बैलांसाठी असलेल्या आरामाच्या जागेत पुरेसी सावली/ निवारा, पुरेसे खाद्य, चारा आणि पिण्याचे पाणी उपलब्ध असावे. आरामाची जागा नीटनेटकी, स्वच्छ व आरोग्यदायी असावी.
14) आयोजकांनी उत्सवामध्ये नोंदणीकृत पशुवैद्यकीय व्यवसायाची सेवा किंवा पशुरुग्णवाहिकेची सुविधा उपलब्ध असल्याची खात्री करावी.
15) आयोजकांनी बैलगाडी शर्यत आयोजित करण्याकरिता वापरण्यात येणाऱ्या प्राण्याला कोणत्याही व्यक्तीकडून किंबा त्याचा प्रभार असणाऱ्या व्यक्तीकडून बैलगाडी शर्यती पूर्वी किंवा दरम्यान कोणत्याही साधनांद्वारे कोणतीही वेदना किंवा यातना दिली जाणार नाही याची खात्री करावी.
16) आयोजक, बैलांना किंवा वळूंना शर्यती आगोदर किंवा त्यादरम्यान कोणतीही उत्तेजक औषधीद्रव्ये, अल्कोहोल, क्षोभक इत्यादी दिली जात नसल्याची खात्री करावी.
17) शर्यतीच्या ठिकाणी उपस्थित असणाऱ्या कोणत्याही गाडीवानाला अल्कोहोल किंबा मादकद्रव्ये वापरण्यास किंवा बाळगण्यास मनाई असेल.
18) शर्यतीच्या वेळी कधीही ज्या वळू अथवा बैलांमध्ये थकवा, निर्जलीकरण, अस्वस्थपणा, घोणा फुटणे, दुखापत इत्यादी लक्षणे उक्त अधिकाऱ्यांना स्वतःहून किंवा प्राप्त झालेल्या माहितीच्या आधारे आढळून आल्यास, अशा वळू अथवा बैलांना बैलगाडी शर्यतीमध्ये भाग घेण्यास परवानगी देण्यात येऊ नये.
19)आयोजक, बैलगाडी शर्यतीच्या वेळी वैद्यकीय सेवा किंवा रुग्णवाहिका सुविधा उपलब्ध करून दिली आहे याची सुनिश्‍चिती करावी.
20) आयोजक, बैलगाडी शर्यतीच्या वेळी प्रेक्षकांच्या सुरक्षिततेसाठी सर्व सावधगिरीच्या उपाययोजना करण्यात आल्या आहेत याची सुनिश्‍चित करील. आयोजक, धावपट्टीच्या दोन्ही बाजूस प्रतिबंधात्मक कठडे उभारील अथवा इतर सुरक्षेचे उपाय योजना करण्यात याव्यात.
21) बैलगाडीच्या शर्यती दरम्यान गाडीवानास, बैलगाडीच्या चाकात वा इतरत्र अडकून अपघात होऊ शकेल, अशा स्वरूपाचे कोणतेही सैल अथवा तत्सम स्वरूपाचे कपडे परिधान करण्यास परवानगी देण्यात येऊ नये.
22) आयोजक स्पर्धेमध्ये भाग व्यक्तींची माहिती, बैलगाडी शर्यतीचा अनुपालन अहवाल आणि संपूर्ण आयोजनाचे डिजोटल स्वरुपातील चित्रीकरण बैलगाडीची शर्यत समाप्त झाल्यानंतर 15 दिवसांत जिल्हाधिकारी कार्यालय, पुणे यांच्याकडे सादर करील.
24) जर बैलगाडी शर्यतीचे आयोजन हे उक्त अधिनियम आणि नियमामधील शर्तीनुसार झाले नाही तसेच आयोजकांनी स्पर्ध मध्ये भाग घेणारे व्यक्तींची माहिती ,बैलगाडी शर्यतीचा पूर्तता अहवाल आणि संपूर्ण शर्यतीचे डिजीटल स्वरुपाचे चित्रीकरण सादर करण्यात कसूर केली तर तसेच कोणत्याही व्यक्तींकडून किंवा प्राण्यांना क्रूरतेने वागविण्यास प्रतिबंध करणा-या जिल्हा सोसायटीकडून स्पर्धा सुरु झालेपासून 48 तासांचे आत जिल्हाधिकारी यांस कोणतेही शर्यतीचे भंग झाले विषयीची तक्रार प्राप्त झाली असेल तर आणि आयोजकांनी शर्तींचा भंग केला असल्याची जिल्हाधिकारी यांची खात्री पटली असेल तर उपरोक्त आयोजकांची प्रतीभूती ठेव जप्त करण्यात येऊन आयोजकांना बैलगाडी शर्यतीच्या आयोजन करण्यास तसेच यापुढे अशी शर्यत आयोजित करण्यास मनाई करण्यात येईल.
24) कोविड लसीचे दोन्ही डोस झालेल्या व्यक्‍तींनाच सदर उत्सव/शर्यत मध्ये प्रवेश देण्यात यावा.
25) स्पर्धेचे ठिकाणी ध्वनी प्रदुषण अधिनियम (विनियमन व नियंत्रण) 2000 च्या तरतुदीचे उल्लंघन होणार नाही याचे आयोजकांनी दक्षता घ्यावी.
26) आयोजकांनी सदर शर्यतीचे आयोजन 25 टक्के प्रेक्षकांच्या उपस्थितीची मर्यादा पाळणेत यावी. कोणत्याही गाडीवानाने सदर अधिनियमांच्या,नियमांचा व देण्यात आलेल्या परवानगीच्या कोणत्याही तरतृदींचे उल्लंघन केल्याचे आढळून आले तर,त्यास अधिनियम व नियमान्वये शास्ती लादण्यात येऊन भविष्यात कोणत्याही बैलगाडी शर्यतीमध्ये सहभाग घेण्यासाठी मनाई करण्यात येईल. तसेच कोविड 19 च्या अनुषंगानेही या कार्यालयाद्वारे वेळोवेळी निर्गमित करण्यात आलेल्या आदेशांचे मार्गदर्शक सूचनांचे उल्लंघन करणारी व्यक्ती भारतीय दंड संहितेचे कलम 188 व आपत्ती व्यवस्थापन कायदा 2005 नुसार अन्य कायदेशीर कार्यवाहीस पात्र राहील.