नवी दिल्ली : पीएम किसान सन्मान निधीच्या लाभार्थ्यांसाठी एक आनंदाची बातमी आहे. या योजनेंतर्गत शेतकऱ्यांना दरमहिना 3 हजार रुपये मिळू शकतात आणि त्यासाठी त्यांना कोणतीही कागदपत्रे देण्याची गरज नाही. पीएम किसान योजनेंतर्गत आत्तापर्यंत शेतकऱ्यांना 2000 चे तीन हप्ते म्हणजेच वार्षिक 6000 रुपये मिळतात. पण आता या योजनेत तुम्हाला वार्षिक 36000 रुपये मिळू शकतात. त्याची संपूर्ण प्रक्रिया जाणून घेऊया.
आता तुम्हाला 36000 रुपये मिळू शकतात
पीएम किसान मानधन योजनेअंतर्गत शेतकऱ्यांना दर महिना पेन्शन दिली जाते. या योजनेंतर्गत वयाच्या 60 वर्षांनंतर शेतकऱ्यांना दरमहिना 3 हजार रुपये म्हणजेच वर्षाला 36 हजार रुपये पेन्शन स्वरूपात दिले जातात. वास्तविक मोदी सरकार ही रक्कम शेतकऱ्यांना आर्थिक मदतीसाठी देते. चला तर जाणून घेऊयात तुम्ही कसे या योजनेत थोडे पैसे गुंतवून गारंटीड पेन्शन मिळवू शकता.
आवश्यक कागदपत्रे
केंद्र सरकारच्या या योजनेचा लाभ घेण्यासाठी तुम्हाला काही कागदपत्रांची आवश्यकता आहे. जसे आधार कार्ड, बँक खाते तपशील इ. पण जर तुम्ही पीएम किसानचा लाभ घेत असाल तर तुम्हाला यासाठी कोणतेही अतिरिक्त कागदपत्र सादर करण्याची गरज नाही. 18 ते 40 वयोगटातील शेतकरी या योजनेत गुंतवणूक करू शकतात. यामध्ये वयानुसार गुंतवणुकीची रक्कम निश्चित करण्यात आली आहे.
या योजनेचा लाभ कोणाला मिळणार?
या योजनेचा लाभ 18 ते 40 वयोगटातील कोणताही शेतकरी घेऊ शकतो. यासाठी लागवडीयोग्य जमीन जास्तीत जास्त 2 हेक्टरपर्यंत असावी. यामध्ये किमान 20 वर्षे आणि जास्तीत जास्त 40 वर्षे वयाच्या शेतकऱ्यांना 55 ते 200 रुपये महिन्याला, शेतकऱ्यांच्या वयानुसार गुंतवावे लागतील. वयाच्या 18 व्या वर्षी सहभागी होणार्‍या शेतकर्‍यांना 55 रुपये गुंतवणूक करावी लागेल. जर शेतकऱ्याचे वय 30 वर्षे असेल तर त्याला 110 रुपये जमा करावे लागतील. जर तुम्ही वयाच्या 40 व्या वर्षी सहभागी झालात तर तुम्हाला दरमहा 200 रुपये जमा करावे लागतील.