पिंपरी : पिंपरी-चिंचवड पोलीस आयुक्तालयाच्या दरोडा विरोधी पथकाने तब्बल 43 लाख 3 हजार 200 रुपयांचा गुटखा जप्त केला आहे. या कारवाईत पाच जणांना पोलिसांनी अटक केली असून ही कारवाई पोलिसांनी 31 डिसेंबर रोजी कुरळी-निघोजे रोडवर केली.
राजू राम देवासी (21, रा. चिखली), राकेश बीजराम देवासी (19, रा.चिखली), दुधाराम बेहरराम देवासी (29,रा. चिखली), श्रावण कुमार धनेशराम देवासी (29, रा. चिखली) हे चार जण गोकुळ मुरलीधर योगी (34,।रा.नाशिक) याच्या ट्रकमधून गुटखा घेऊन जात होते. या पाच जणांना पोलिसांनी बेड्या ठोकल्या आहेत. कुख्यात गुटखा विक्रेता नरेश देवासी याने हा गुटखा मागवला होता.
ही कारवाई पोलीस आयुक्त विनय कुमार चौबे, सह पोलीस आयुक्त मनोज लोहिया, अप्पर पोलीस आयुक्त संजय शिंदे, पोलीस उपायुक्त (गुन्हे) स्वप्ना गोरे, सहायक आयुक्त पद्माकर घनवट यांच्या मार्गदर्शनाखाली दरोडा विरोधी पथकाचे वरीष्ठ पोलीस निरीक्षक रामदास इंगवले, सहाय्यक पोलीस निरीक्षक अंबरिष देशमुख, पोलीस उपनिरीक्षक मंगेश भांगे, पोलीस उपनिरीक्षक भरत गोसावी, तसेच पोलीस अमंलदार सागर शेडगे, गोविंद सुपे, राजेश कौशल्य, विक्रांत गायकवाड यांच्या पथकाने केली.