मुंबई : मुंबई-पुणे एक्सप्रेसवेवर राष्ट्रवादी काँग्रेसचे आमदार संग्राम जगताप यांच्या गाडीला अपघात झाल्याची माहिती समोर आली आहे. आमदार संग्राम जगताप यांच्या गाडीला भीषण अपघात झाल्याचे समजते. एसटी बस आणि आमदार संग्राम जगताप यांच्या बीएमडब्ल्यू कारमध्ये हा अपघात झाला असल्याची माहिती आहे. हा अपघात आज (मंगळवार) पहाटेच्या सुमारास झाला आहे.
या अघातामध्ये आमदार संग्राम जगताप यांना कुठलीही दुखापत झालेली नसल्याची माहिती आहे. या अपघातातून आमदार जगताप थोडक्यात बचावले आहेत. दरम्यान एसटीने दिलेल्या धडकेमुळे जगताप यांच्या बीएमडब्ल्यू कारचा अक्षरशः चक्काचूर झाला आहे. बीएमडब्ल्यूचे मोठं नुकसान झाल्याची माहिती आहे.