युपीएचे अध्यक्ष होण्याचा विचार आणि वेळही नाही ः शरद पवार 

केंद्रातील विरोध पक्ष खिळखिळा आणि कमजोर होत चालला आहे, त्याला भक्कम करण्याची गरज आहे, असे मत शिवसेनेनं वारंवार सांगितलं आहे. त्यासाठी शरद पवार यांच्याकडे युपीएच्या अध्यक्षपदाची धूरा सोपवावी, असे मत शिवसेनेचे खासदार संजय राऊत यांनीदेखील मांडले होते. अशा पार्श्वभूमीवर शरद पवारांची भूमिका महत्वाची आहे.

“माझ्याकडे युपीए अध्यक्ष होण्यासाठी वेळ किंवा तसा विचार नाही. अशा प्रकारच्या कोणत्याही प्रस्तावाचा प्रश्नच येत नाही,” असं शरद पवार यांनी सांगितलं आहे. शरद पवार यांनी याआधीदेखील युपीए अध्यक्ष होण्याचं वृत्त फेटाळलं होतं. प्रसारमाध्यमांशी बोलताना शऱद पवार यांनी हे वृत्त चुकीचं असल्याचं म्हटलं होतं. ही बातमी तुम्ही दिली आहे, अशा खोट्या बातम्या देऊ नका”, असे स्पष्ट मत शरद पवारांनी मांडले होते.