70 फुटी रावण, कुंभकर्ण आणि इंद्रजीत यांची भव्य प्रतीकृती प्रेक्षकांचे लक्ष वेधून घेत होती. आकर्षक विद्युत रोषणाई,डी.जे आदी करमणुकीच्या कार्यक्रमामुळे शेवटपर्यंत कार्यक्रमाचा उत्साह शिगेला पोहोचला.
आयोजक संदीप वाघेरे म्हणाले, पिंपरी प्रभागाला खऱ्या अर्थाने स्मार्ट बनविण्यासाठी अहोरात्र प्रयत्न केले. पिंपरीगावच्या विकासाच्या दृष्टीने गेल्या अनेक वर्षापासून दुर्लक्षित झालेल्या अनेक कामांना वेग दिला. रावण दहनाच्या निमित्ताने समाजातील वाईट प्रवृतीचे दहन व्हायला हवे.
शिवसेनेचे माजी गटनेते राहुल कलाटे,वरिष्ठ पोलीस निरीक्षक शंकर अवताडे,पोलीस निरीक्षक रुपाली बोबडे यांच्या हस्ते रिमोटच्या साह्याने बाण मारून रावण दहनाचा नेत्रदिपक सोहळा पार पडला. कार्यक्रमासाठी पिंपरी येथील पोलीस, वाहतूक शाखा, अग्निशामक विभाग, पिंपरी-चिंचवड महापालिका आरोग्य विभाग यांनी मोलाचे सहकार्य केले.
कार्यक्रमाचे प्रास्तविक पीसीएमटीचे माजी चेअरमन संतोष कुदळे यांनी केले. सूत्रसंचालन चंद्रशेखर अहिरराव यांनी केली. कार्यक्रमाचे संयोजनात युवा मंचाचे अध्यक्ष हरीश वाघेरे, शेखर अहिरराव, प्रवीण कुदळे, नितीन गव्हाणे, उमेश खंदारे, कुणाल सातव, सोनू कदम, राजेंद्र वाघेरे, सचिन वाघेरे, विठ्ठल जाधव, श्रीकांत वाघेरे, मयूर कचरे, अमोल गव्हाणे, रजना जाधव, अश्विनी लोहार, अपूर्वा खोचाडे आदींनी परिश्रम घेतले.