पिंपरी : चिखली येथे भरदिवसा गोळ्या घालून एकाचा खून करण्यात आला आहे. सोन्या तापकीर याचा खून झाला असून परिसरात तणावाचे वातावरण निर्माण झाले आहे. आज दुपारी अडीचच्या सुमारास ही घटना घडल्याचे चिखली पोलिसांनी सांगितले आहे. या घटनेमुळे पिंपरी- चिंचवड पोलीस आयुक्तालयात पुन्हा एकदा खळबळ माजली आहे.
पिंपरी- चिंचवड पोलीस आयुक्तालयातील चिखली परिसरात दुचाकीवरून आलेल्या दोघांनी सोन्या तापकीर याच्यावर गोळ्या झाडल्या. यात तो गंभीर जखमी झाला. त्याला उपचारासाठी रुग्णालयात दाखल केले मात्र उपचारापूर्वीच त्याचा मृत्यू झाला.
गोळीबाराचे कारण अद्याप अस्पष्ट आहे. भरदिवसा घडलेल्या घटनेमुळे पिंपरी- चिंचवड शहरात पुन्हा एकदा खळबळ माजली आहे.