पिंपरी : पुणे ग्रामीण पोलीसानी जीवावर उदार होऊन अज्ञात संशयिताला पकडण्यासाठी केलेला प्रयत्न सीसीटीव्हीमध्ये कैद झालाय. एखाद्या चित्रपटातील ‘सिन’ प्रमाणे ही घटना घडली आहे.
कामशेतमधील दत्त कॉलनी येथे रविवारी पहाटे तीनच्या सुमारास एक चारचाकी थांबली होती. या गाडीमधील व्यक्तींचा वावर संशयास्पद असल्याची माहिती कामशेत पोलिसांना स्थानिक नागरिकांनी दिली.
रात्र गस्तीवर असलेल्या पोलीस उपनिरीक्षक सुरेख शिंदे या इतर कर्मचाऱ्यांसोबत घटनास्थळी पोहचल्या. संशयित चारचाकीच्या समोरच पोलीसांची गाडी थांबली. हे पाहून अज्ञातांनी आपलं चारचाकी वाहन काही क्षणात पाठीमागे घेतलं. तेव्हा पोलीस गाडीतून उतरले.
पोलीस उपनिरीक्षक सुरेखा शिंदे यांनी गाडीमधून उतरुन पिस्तुल काढून ते गाडीच्या दिशेने रोखलं. तेवढ्यात संशयित व्यक्तीनी मोटार त्यांच्या अंगावर घालण्याचा पर्यत करुन, चकवा देऊन निघून गेले. पोलीसांच्या गाडीने देखील त्यांचा काही अंतरावर पाठलाग केला. परंतु, अज्ञात मोटार दिसेनाशी झाली आणि संशयित आरोपी फरार झाले.