बलात्काराच्या गुन्ह्यात अल्पवयीन पीडित व आई झाली फितूर, तरीही बलात्कारी बापाला ३० वर्षे सक्तमजुरीची शिक्षा

जून ते ऑक्‍टोबर २०१९ या चार महिन्याच्या कालावधीत हा प्रकार घडला. पीडित मुलगी चार बहिणी, भाऊ, आई-वडिलांसह कोंढवा भागात राहत होती. संबंधित मुलगी आठवीत शिकत होती. घटनेपूर्वी एक वर्षापासून आरोपी पीडितेशी अश्‍लील चाळे करायचा. ते कोणाला सांगू नये, यासाठी धमकी देत असत. जूनमध्ये ती शाळेला चालली होती. त्यावेळी तिला आवडत कोणी नसल्याचे पाहून बापाने तिच्यावर बलात्कार केला. कोणाला सांगितल्यास, घरातील सर्वांना हाकलून देण्याची धमकी त्याने तिला दिली. त्यानंतर मुलगी एकटी असताना त्याने वेळोवेळी हे कृत्य केले. त्रास असह्य झाल्याने ११ ऑगस्ट रोजी तिने हा प्रकार आईला सांगितला.

मुलगी राहिली होती गर्भवती :
वारंवार झालेल्या बलात्कारामुळे मुलगी गर्भवती असल्याचेही निष्पन्न झाले. अचानक तिचा गर्भपात झाला. त्यानंतर १० ऑक्‍टोबर २०१९ रोजी त्याने आई शेजारी झोपलेल्या पीडितेशी पुन्हा बलात्कार करण्याचा प्रयत्न केला. विरोध केल्याने दोघींना मारहाण केली. त्यानंतर आर्इने याबाबत फिर्याद दिली.

अशा आहेत शिक्षा :
बाललैंगिक अत्याचार प्रतिबंधक कायदा कलम (पास्को) ४ नुसार ३० वर्षे सक्तमजुरी आणि १० हजार रुपये दंड, ३२३(मारहाण) नुसार १ वर्षे सक्तमजुरी, ५०६ (धमकाविणे) नुसार सहा महिने सक्तमजुरी, पास्को ८ नुसार ५ वर्षे सक्तमजुरी आणि ५ हजार रुपये दंड, पास्को १२ नुसार १ वर्ष सक्तमजुरीची शिक्षा सुनावली. सर्व शिक्षा एकत्रित भोगायच्या आहेत.