पोलीस उपायुक्त, सहायक आयुक्त आणि पोलीस निरीक्षकाची बदली

मुंबई : राज्यातील पोलीस उपायुक्त आणि सहाय्यक पोलीस आयुक्त आणि एका पोलीस निरीक्षकाची आज शुक्रवारी गृहविभागाने बदल्या केलेल्या आहेत.

पोलीस उपायुक्त संग्रामसिंग निशानदार यांची नाशिक येथून मुंबई शहर येथे बदली झालेली आहे. राज्य गुप्तवार्ता विभाग, मुंबई येथील उपायुक्त समाधान पवार यांची बदली पोलीस अधीक्षक अन्न व पुरवठा विभाग मुंबई येथे झाली आहे. पोलीस उपायुक्त श्रीनिवास घाडगे यांची गुन्हे शाखा, पुणे शहर येथे बदली झाली आहे.

मीरा भाईंदर-वसई-विरार येथील सहायक पोलिस आयुक्त विवेक जोशी यांची बदली अप्पर पोलीस अधीक्षक, लाच लुचपत विभाग, मुंबई येथे बदली झाली आहे. जात प्रमाणपत्र पडताळणी विभाग, मुंबई येथील पोलीस उपअधीक्षक सुजाता शेजाळे यांची बदली सहायक पोलिस आयुक्त ल.वि.४, ब्रहमुंबई येथे झाली आहे.

पिंपरी-चिंचवड पोलीस आयुक्तालयातील सहायक पोलिस आयुक्त प्रेरणा कट्टे यांची बदली पुणे शहर येथे झाली आहे. लाच लुचपत प्रतिबंधक विभाग, पुणे येथील पोलीस उपअधीक्षक श्रीहरी पाटील यांची बदली पोलीस निरीक्षक, पिंपरी-चिंचवड येथे झाली आहे.