सारेगमप फेम गायक धीरज शेगरने जिंकली श्रोत्यांची मने

पिंपरी : वाकड भाजपच्या वतीने आयोजित केलेल्या दिवाळी पहाट कार्यक्रमास नागरिकांनी चांगला प्रतिसाद दिला. यावेळी सारेगमप फेम गायक धीरज शेगरने आपल्या गायनातून सर्व श्रोत्यांची मने जिंकली.

या कार्यक्रमास शहराच्या महापौर माई ढोरे, नगरसेवक संदीप कस्पटे, संतोष कलाटे, नवनाथ ढवळे, अमोल कलाटे, श्री कलाटे यांच्यासह परिसरातील राजकीय, सामाजिक, सांस्कृतिक क्षेत्रात काम करणारे अनेक मान्यवर आणि नागरिक उपस्थित होते.

वाकड भाजपच्या वतीने राम वाकडकर,विशाल कलाटे , विनायक गायकवाड, भारती विनोदे यांनी वाकड येथे शनिवारी दिवाळी पहाट कार्यक्रमाचे नियोजन केले होते. प्रसिद्ध गायक रघुनाथ खंडाळकर, सुरंजन खंडाळकर, सारेगमप फेम नंदिनी गायकवाड आणि धीरज शेगरने यांनी गायन केले.

महापालिकेच्या आगामी निवडणुकीच्या पार्श्वभूमीवर अश्या प्रकारचे दिवाळी पहाटचे कार्यक्रम घेतले जात असून नागरिकांची गर्दी होत आहे.