पुणे : महिला अत्याचार रोखण्यासाठी राज्य शासनान कठोर कायदे करण्याच्या तयारीत आहे. मात्र शिक्षणाचे माहेर घर असणाऱ्या पुण्यात अत्याचाराचे धक्कादायक प्रकार घडत आहेत. अल्पवयीन मुलीला दारु पाजून, बेशुद्ध झाल्यानंतर तिच्यावर अत्याचार केल्याची घटना उघडकीस आली आहे.
हा प्रकार डेक्कन परिसरात घडला आहे. पोलिसांनी आरोपीला अटक केली आहे. साहिल महेंद्र तापकीर (23 रा. दत्तवाडी) असे अटक करण्यात आलेल्या आरोपीचे नाव आहे. याप्रकरणी पीडित मुलीच्या आईने डेक्कन पोलीस ठाण्यात तक्रार दाखल केली आहे.
मिळालेल्या माहितीनुसार, तक्रारदार महिलेच्या 16 वर्षी मुलीबरोबर आरोपी साहिल याची ओळख झाली होती. त्यानंतर त्याने मुलीला जबरदस्तीने दुचाकीवर बसवून डेक्कन परिसरातील एका लॉजमध्ये नेले. त्या ठिकाणी मुलीला दारू पाजून बेशुद्ध केले. मुलगी बेशुद्ध झाल्यानंतर आरोपी साहिलने तिच्यावर बलात्कार केला, अशी माहिती पोलिसांनी दिली.