पिंपरी : पिंपरी चिंचवड शहरात हटके फ्लेसबाजी अधून मधून बाहेर येतंच. सध्या ‘सहावीला पिंपरी चिंचवडला आलो’ हे वाक्य लिहिलेल्या पोस्टरने पिंपरी चिंचवडकरांना चर्चेचा विषय बनला आहे. सोशल मिडीयावर फिरत असणाऱ्या या डिजीटलच्या फोटोमुळे नागरिकांचे लक्ष वेधले जात आहे.
काही दिवसांपूर्वी पिंपरीतील ‘स्मार्ट बायका कुठे जातात’ असा असा मजकूर लिहलेला पोस्टर व्हायरल झाला होता. तसेच ‘शिवडे, आय एम सॉरी’ या पोस्टरचीही मोठी चर्चा झाली होती. ‘हे माझं चुकलं का?’ असे फ्लेक्स भोसरी परिसरात ठिकठिकाणी लावून नगरसेवक रवी लांडगे यांनीही पक्षांतर्गत कलह उघड केला होता. महापालिकेत एकहाती सत्ता असलेल्या भाजपमधील कलहही लपून राहिला नव्हता.
‘आता हवा पिंपरी चिंचवडला फक्त घड्याळाचा गजर’, मी रस्ता बोलतोय, आता हवा नवीन रस्ता, नवीन नगरसेवक,
दिवाळी बम्पर ऑफर, खड्डेमुक्त रस्ता दाखवा, 5 हजार मिळवा. अशा आशयाचे फलकही लावले होते. आता ‘सहावीला पिंपरी चिंचवडला आलो’ अशा फ्लेक्समुळे पिंपरी-चिंचवड शहरात पुन्हा चर्चा रंगत आहेत. कोण आणि कुठून आले होते सहावीला हे मात्र गुलदस्त्यात आहे.