पुणे ः शेतकरी आंदोलनातून घोषीत करण्यात आलेल्या ‘भारत बंद’ पुणेकरांनीदेखील चांगला प्रतिसाद दिलेला आहे. मध्य शहरातील अनेक ठिकाणी हा बंद पाळण्यात येत आहे. पुण्यातील नागरिकांनी न आल्यामुळे चौक ओस पडलेले दिसत आहे. पुण्यातील अलका चौकातही कडकडीत बंद पाळण्यात आला आहे. बंदच्या पार्श्वभूमिवर पोलिसांचा कडक बंदोबस्त ठेवण्यात आला आहे.
मागील १२ दिवसांपासून पंजाब, हरियाणा, उत्तरप्रदेश आणि इतर राज्यांमध्ये कृषी कायद्याविरोधात शेतकरी आंदोलन करत आहेत. चिवटपणे सुरु असलेल्या आंदोलनात शेतकऱ्यांवर प्रारंभी अश्रुधूर आणि लाठीचार्ज करण्यात आला. त्यानंतर बाॅलिवुडमधूनही मोठ्या प्रमाणात सेलेब्रिटीजनी पाठिंबा दर्शविला. देशभरातील किमान ५०० शेतकरी संघटनांनी हे शेतकरी आंदोलन सुरू ठेवले आहे. दरम्यान, केंद्र सरकारशी ४ वेळा बैठाकाही पार पाडल्या. मात्र, कोणत्याही निष्कर्षापर्यंत ही बैठक पोहोचली नाही.