पिंपरी : पिंपरी चिंचवड शहर पोलीस दलातील एका पोलीस कर्मचाऱ्याने आत्महत्या केली. ही घटनाशुक्रवार (दि. 26) रोजी पहाटे उघडकीस आली. विशाल माने (30) असे आत्महत्या केलेल्या पोलीसकर्मचाऱ्याचे नाव आहे.
पोलीस कर्मचारी विशाल माने हे सन 2013 साली महाराष्ट्र पोलीस दलात भरती झाले होते. ते पिंपरी चिंचवड शहर पोलीस दलातीलएमआयडीसी भोसरी पोलीस ठाण्यात नेमणुकीस होते. गुरुवारी त्यांची साप्ताहिक सुट्टी होती. त्यामुळे ते गुरुवारी घरी होते. त्यांच्या पत्नीमाहेरी गेल्या आहेत. दरम्यान त्यांनी रात्री राहत्या घरी गळफास घेतला.
हा प्रकार उघडकीस आल्यानंतर त्यांना रुग्णालयात दाखल करण्यात आले .मात्र उपचारापूर्वीच त्यांचा मृत्यू झाल्याचे डॉक्टरांनी घोषितकेले. विशाल माने यांच्या आत्महत्येचे कारण अद्याप समजू शकले नाही.