मुंबई : मैत्रिणीसोबत ॲम्बी व्हॅली परिसरात पर्यटनासाठी आलेल्या तरुणाची गाडी भर रस्त्यात अडवून त्याला मारहाण करत त्याच्या जवळील रोख रक्कम काढून घेण्यात आली. लोणावळ्याजवळील भुशी गावात शनिवारी भरदिवसा हा प्रकार घडला. या प्रकारामुळे पर्यटकांमध्ये भितीचे वातावरण पसरले आहे. याप्रकरणी वेदांता सितष किसन चंदानी (वय २४, रा. वरळी, मुंबई) या तरुणाने तक्रार दिली असून चार अनोळखी आरोपीविरोधात लोणावळा शहर पोलीस ठाण्यात गुन्हा दाखल करण्यात आला आहे.
याप्रकरणी अधिक माहिती अशी की फिर्यादी तरुण वरळीचा रहिवासी आहे. शनिवारी दुपारी तीन वाजण्याच्या सुमारास असतो व्हॅली परिसरात मैत्रिणीसह पर्यटनासाठी आला होता. तो लोणावळ्याजवळील भुशी गावातून जात असताना अज्ञात व्यक्तीने त्यांची गाडी अडवली. तसेच गाडी फोडण्याची धमकी देत गाडीतून खाली उतरण्यास भाग पाडले. त्यानंतर त्यांना बेदम मारहाण करीत जवळ अडीच हजार रुपये रोख काढून घेतले. त्यावेळी त्याा ठिकाणी असलेल्या एका महिलेने ही फिर्यादी कडे पैशाची मागणी केली. फिर्यादीने तक्रार दिल्यानंतर लोणावळा शहर पोलिसांनी याप्रकरणी चार अज्ञात व्यक्तींविरोधात गुन्हा दाखल केला आहे. पोलीस अधिक तपास करीत आहेत.