शाहरुख खानने अगदी लहान वयातच त्याचे आईवडील गमावले. मुलाचे स्टारडम पाहण्यासाठी त्याचे पालक या जगात नव्हते. तथापि किंग खानच्या एका चाहत्याने त्याच्या कुटुंबाची एक भव्य पेंटिंग बनविली आहे, ज्यात त्याचे आई-वडीलही कोरलेले आहेत.
या चित्रात किंग खान आपली मुले, पत्नी गौरी खान आणि पालकांसह दिसला आहे. किंग खानच्या तीन पिढ्यांना एकाच फ्रेममध्ये व्यापणारी ही पेंटिंग सोशल मीडियावर व्हायरल होत आहे. ही चित्रकला ‘एडिक्ट टू एसआरके’ नावाच्या इन्स्टाग्राम अकाउंटवर शेअर केली गेली आहे.
या चित्रात शाहरुख खानचे वडील ताज मोहम्मद खान उजवीकडे बसलेले दिसत आहेत. त्याने करड्या रंगाचा सूट परिधान केला आहे. दुसरीकडे, त्याची आई काळ्या रंगाची साडी आणि पारंपारिक दागिने परिधान केलेली दिसत आहे. शाहरुख खान आणि त्याचा मोठा मुलगा आर्यन खान मागे उभे दिसत आहेत.
या दोघांनीही ग्रे कलरचा सूट परिधान केला आहे. गौरी खान वेस्टर्न ड्रेसमध्ये दिसली आहे, तर शाहरुखची बहीण ललरूख खान लाल सलवार कमीज घालून उजवीकडे उभी आहे. शाहरुख खानची मुलगी सुहानादेखील वेस्टर्न ड्रेसमध्ये दिसत आहे. शाहरुखचा धाकटा मुलगा अबराम समोर उभा आहे. त्याने पांढरा शर्ट आणि ट्राउजर परिधान केले आहे. अबराम दादाच्या पायावर एक हात ठेऊन आहे.
वयाच्या १५ व्या वर्षी शाहरुख खानने वडिलांना गमावले. ते कर्करोगाने ग्रस्त होते. त्यानंतर, वयाच्या २६ व्या वर्षी, त्याच्या आईचा दीर्घ आजाराने मृत्यू झाला. शाहरुख खानने राणी मुखर्जीशी झालेल्या संभाषणात एकदा असे सांगितले होते की, “आपल्या आई व वडिलांचा मृत्यू झाल्याने मला वाईट वाटत होते. आई-वडिलांशिवाय माझे घर मला खाण्यासाठी उठत असे. एकटेपणा, वेदना आणि आई-वडिलांना हरवल्याची खंत माझ्या आयुष्यावर अधिराज्य गाजवत होती यावर मात करण्यासाठी मी अभिनयाचा आधार घेतला आणि आयुष्यभर कष्ट केले. माझे पालक अचानक निघून गेले.