पिंपरी : वाकड परिसरातील सोसायटीच्या सदस्यांना एकत्र आणण्यासाठी गेली चार वर्षे सुरु असलेल्या वाकड प्रमियर लीग 5 च्या चषकाचे अनावरण करण्यात आले. आमदार लक्ष्मण जगताप यांच्या हस्ते अनावरण करण्यात आले.
पिंपरी-चिंचवड महानगरपालिका नगरसेविका, माजी स्थायी समिती अध्यक्षा ममता गायकवाड, माजी नगरसेवक विनायक गायकवाड आणि मोठ्या संख्येने खेळाडू उपस्थित होते.
‘विनायक गायकवाड युथ फाउंडेशन’च्या वतीने वाकड येथे मागील चार वर्षापासून हाफ पिच क्रिकेट सामने भरवले जात आहेत. याला प्रत्येक वर्षी वाढता प्रतिसाद मिळत आहे. तरुणांसोबत तरुणींचे संघ या स्पर्धेत भाग घेतात.
नोव्हेंबर महिन्यात सुरु होणाऱ्या आणि वाकड परिसरातील सोसायट्यांमध्ये क्रिकेटचा माहोल तयार करणाऱ्या स्पर्धेची तयारी अंतीम टप्यात आली आहे. नुकतेच चिंचवडचे आमदार लक्ष्मण जगताप यांच्या हस्ते या स्पर्धेच्या चषकाचे अनावरण करण्यात आले.
