नवी दिल्ली : IT दिग्गज कंपनीने आपल्या भारतातील कर्मचाऱ्यांना कळवले आहे की त्याचे कॅम्पस १० ऑक्टोबरपासून आठवड्यातून चार दिवस खुले असतील. कंपनीत नेतृत्वाच्या भूमिकेत असलेले कर्मचारी आठवड्यातून तीन वेळा ऑफिसच्या बाहेरून कामं करतील, असे विप्रोने एका निवेदनात म्हटले आहे.
टाटा कन्सल्टन्सी सर्व्हिसेस (TCS) नंतर विप्रोने आपल्या कर्मचाऱ्यांना आठवड्यातून तीनदा कार्यालयात (ऑफिस) परतण्यास सांगितले आहे. IT (आयटी) दिग्गज कंपनीने आपल्या भारतातील कर्मचाऱ्यांना कळवले आहे की त्याचे कॅम्पस १० ऑक्टोबरपासून आठवड्यातून चार दिवस खुले असतील.
कर्मचार्यांना पाठवलेल्या ईमेलमध्ये, विप्रोने म्हटले की, “१० ऑक्टोबरपासून विप्रोची भारतातील कार्यालये सोमवार, मंगळवार, गुरुवार आणि शुक्रवार सुरू राहतील. आम्ही बुधवारी सुरु राहणार नाही. हे आम्हाला संकरित कामाची लवचिकता राखून वैयक्तिकरित्या जोडण्याच्या सौहार्द आणि सांघिक भावनेचा आनंद घेण्यास मदत करेल.”
विप्रोने असेही प्रतिपादन केले की त्यांनी कामावर परत येण्याच्या धोरणामध्ये लवचिक आणि संकरित दृष्टिकोन स्वीकारला आहे. याशिवाय ते कर्मचार्यांना या चारपैकी किमान तीन दिवस कार्यालयातून काम करण्यास प्रोत्साहित करते असेही ईमेलमध्ये म्हटले आहे. इंडिया इंक कर्मचार्यांना ऑफिसमध्ये परत आणण्यासाठी योजना आखत आहे आणि टाटा कन्सल्टन्सी सर्व्हिसेसने (TCS) कर्मचार्यांना आठवड्यातून तीन दिवस ऑफिसमधून काम करण्यास सांगितल्यानंतर विप्रोची घोषणा आली आहे. सर्व TCS कर्मचार्यांना मूळ ठिकाणी परतण्यास सांगण्यात आले आहे, जिथे ते करोन संसर्गापूर्वी कार्यरत होते.