‘ट्रायफिट झोन’ पिंपरी चिंचवड मधील 6 ट्रायथलिट यांनी कझाकस्थान मध्ये रोवला मानाचा तुरा

कझाकस्थान : पुणे, पिंपरी-चिंचवड शहरातील वैभव ठोंबरे यांच्या ‘ट्रायफिट झोन’च्या माध्यमातून प्रशिक्षण घेत असलेल्या सहा स्पर्धकांनी कझाकस्थान येथे झालेल्या स्पर्धेत ‘आयर्नमॅन’चा बहुमान मिळवला आहे.

दिनांक 14 ऑगस्ट 2022 रोजी कजाकिस्तान देशाची राजधानी शहर नूर सुलतान येथे पार पडलेल्या आयर्न मॅन स्पर्धेमध्ये ट्राय फिट झोन पिंपरी चिंचवड या ग्रुपमधील सहा जणांनी आयर्न मॅन किताब पटकावला आहे. यामध्ये सहाय्यक पोलीस निरीक्षक राम गोमारे, मीडिया प्रतिनिधी वैभव ठोंबरे, उद्योजक सचिन वाकडकर, अमित लोंढे, रोहित क्षीरसागर, पांडुरंग बोडके यांचा समावेश आहे

इशिम नदीच्या थंडगार पाण्यात 3.8 किमी पोहणे, हेड विंड क्रॉस विंड मध्ये 180किमी सायकल चालवणे आणि दिवसा गरम व रात्री थंड वातावरणात 42किमी धावणे हा अतिशय खडतर प्रवास पूर्ण करणे जिकीरीचे काम होते, ते काम या तिघांनी अतिशय जिद्दीने पूर्ण केले आहे.

या स्पर्धेसाठी हे 6 ट्रायथलित गेली 2 वर्षापासून अथक परिश्रम घेत आहेत, या ग्रुप मधील वैभव ठोंबरे हे उत्तम स्विमर असून त्यांनी बाकी 5 जणांना अतिशय उत्तमरीत्या पोहण्याचे धडे दिले, तसेच सायकलिंग व रूनिंग मधील बारकावे शोधून उत्तम असे मार्गदर्शन केले आहे.

या स्पर्धेच्या प्रवासात स्वतःची लढाई स्वताच्या संयमशी असते, सतत 16-17 तास न थांबता हा प्रवास करताना शरीर कोणत्या वेळी वेगळे वळण घेईल हे सांगता येत नाही, रेस दिवशी बॉडी थकली तरी चालेल पण मन थकले नाही नाही पाहिजे अशी भावना सर्व ट्रायथलिट यांनी व्यक्त केली, या ट्रायथलिट चे पिंपरी चिंचवड व पुणे शहरातून अभिनंदन होत आहे.

Ironman स्पर्धा म्हणजे नक्की काय असते ?
3.8 Km swimming (वेळ मर्यादा 2 तास 20 मिन ) नंतर 180 km cycling (वेळ मर्यादा 8 तास 10 मिन) आणि मग 42.2 km चे running ( 6 तास 30 मिन ) असे एका पाठोपाठ तीन प्रकार (Triathlon) एकूण 17 तासांच्या cut off time च्या आत पूर्ण करायचे असते.