पंजाब : पंजाबमधील प्रसिद्ध आंतरराष्ट्रीय कबड्डीपटू संदीप नंगल अंबिया याची अज्ज्ञात हल्लेखोरांनी सोमवारी सायंकाळी गोळ्या झाडून हत्या केली.
जालंधरच्या मालियां गावात कबड्डी स्पर्धेदरम्यान ही धक्कादायक घटना घडली. संदीप नंगल अंबिया यांच्या हत्येने कबड्डी विश्वात एकच खळबळ उडाली आहे. संदीप याने एक दशकापेक्षा अधिक काळ कबड्डी स्पर्धा गाजवल्या. आपल्या खेळाने त्याने क्रीडारसिकांची मने जिंकून घेतली होती.
त्याने आपल्या चौफेर खेळाने जागतिक कबड्डी स्पर्धांमध्ये नाव कमावलं आणि दबदबा निर्माण केला. अशा या गुणी कबड्डीपटूची हत्या झाल्याने सर्वांनाच धक्का बसला आहे.
व्यावसायिक कबड्डी खेळताना तो स्टॉपर पोजिशनवर खेळला. कबड्डी प्रेमी त्याला ‘ग्लॅडिएटर’ म्हणून ओळखायचे. त्याने कॅनडा, अमेरिका, यूके मधल्या कबड्डी स्पर्धा गाजवल्या.
संदीप नंगल अंबियाची हत्या कोणी व का केली? त्यामागे काय कारणं आहेत, ते अजून स्पष्ट झालेलं नाही.