मुंबई : ड्रग्ज प्रकरणात बॉलीवूड स्टार शाहरुख खान याचा मुलगा आर्यन खान याला क्लीन चिट मिळाली आहे. हे प्रकरण अद्यापही सुरूच असताना आता आणखी एका अभिनेत्याच्या मुलाला रेव्ह पार्टीत पोलिसांनी ताब्यात घेतले आहे. बंगळुरूत एका हॉटेलमध्ये ही रेव्ह पार्टी सुरू होती. त्यावेळी, पोलिसांनी ही कारवाई केली. त्यावेळी ज्येष्ठ अभिनेता शक्ती कपूरचा मुलगा आणि अभिनेत्री श्रद्धा कपूरचा भाऊ सिद्धांत कपूरला पोलिसांनी ताब्यात घेतले आहे.
एएनआयनुसार बंगळुरूच्या एमजी रोडवरील एका हॉटेलमध्ये रेव्ह पार्टी सुरू असल्याची माहिती पोलिसांना मिळाली होती. त्यानुसार पोलिसांनी छापा टाकला. यावेळी सिद्धांत कपूर तेथे आढळून आला. त्याला ताब्यात घेतल्यानंतर चाचणीमध्ये सिद्धांत कपूरसह सहा जणांनी ड्रग्जचे सेवन केल्याचे समोर आले आहे.
ज्येष्ठ अभिनेते शक्ती कपूर यांचा सिद्धांत हा मुलगा असून तो स्वत:ही फिल्म लाईनमध्ये आहे. अनेक चित्रपटांमध्ये त्याने काम केले आहे. पण त्याची कारकीर्द फ्लॉप ठरली आहे. याशिवाय वेब सिरीज, म्युझिक व्हिडीओमध्येही दिसला आहे. हसीना पारकर या चित्रपटात सिद्धांतने श्रद्धासोबत काम केले होते. दरम्यान, सुशांत सिंग राजपूत ड्रग्ज प्रकरणात NCB च्या रडारवर आलेली श्रद्धा कपूरचीही एनसीबीच्या पथकाने चौकशी केली होती.