बगदाद – इराकची राजधानी बगदाद पुन्हा बॉम्बस्फोट झाला असून या आत्मघातकी बॉम्बस्फोटात 28 जणांचा मृत्यू झाला असल्याची प्राथमिक समोर आली असून 73 जण या स्फोटामध्ये जखमी झाल्याची माहिती आहे.
पोलीस आणि वैद्यकीय सूत्रांकडून मिळालेल्या माहितीनुसार एका व्यक्तीनं बॉम्ब स्वत:च्या शरिरावर लावून बगदादमधील बाजारात प्रवेश केला आणि स्फोट घडवून आणला. ही घटना बगदादमधील तायरण चौकात घडली आहे.
पोलिसांनी मृतांचा आकडा वाढण्याची शक्‍यता असल्याची माहिती दिली आहे. स्फोटातील जखमींची प्रकृती गंभीर असल्याचं वृत्त रीट्रस या वृत्तसंस्थेने दिले आहे. बगदादमध्ये आज झालेला अतिरेकी हल्ला 2017 नंतरचा सर्वात मोठा हल्ला असल्याचं सांगण्यात येत आहे.