नवी दिल्ली : सौदी अरेबियाने मध्ये कोरोना संक्रमणाच्या उद्रेक झाला आहे. यामुळे पाकिस्तानसह 20 देशांमधील हवाई वाहतूक स्थगित केली आहे. सौदी अरेबियाने संयुक्त अरब अमिरात, जर्मनी, अमेरिका, ब्रिटन, दक्षिण आफ्रिका, फ्रान्स, इजिप्त, लेबनॉन आणि भारत या देशांतील लोकांना बंदी घातली आहे.
सौदी अरेबियाच्या स्टेट न्यूज एजन्सीच्या मते, 21 डिसेंबर 2020 रोजी सौदी अरेबियाने परदेशात जाण्यासाठी आणि तेथून जाणारी उड्डाणे थांबविली. ते पुन्हा 28 डिसेंबर रोजी वाढविण्यात आले.
कोरोनाचा नवीन विषाणू आल्यानंतर सौदीने हे निर्णय घेतले होते. त्यानंतर त्यांनी 4 जानेवारी रोजी ही स्थगिती उठवली होती. त्यानंतर आता पुन्हा एकदा 20 देशांमधील विमानांवर बंदी घालण्यात आली आहे.
सौदी अरेबियामध्ये आतापर्यंत कोरोना विषाणूची 368,639 प्रकरणे नोंदवली गेली आहेत, त्यापैकी 6,383 रुग्णांचा मृत्यू झाला आहे तर 360,110 रुग्ण बरे झाले आहेत.