मुंबई ः मुंबईत करोना लसीकरणाच्या कार्यक्रमाची योजना आखण्याचा प्रयत्न युद्धपातळीवर सुरू झाला आहे. सर्वात आधी आरोग्य सेवक, पोलीस कर्मचारी, बॅंक स्टाफ, बेस्ट कर्मचारी आणि स्वच्छता कर्मचारी या अत्यावश्यक कर्मचाऱ्यांना करोना लस पहिल्यांदा देण्यात येणार आहे.
लसीकरणाच्या तिसऱ्या टप्प्यात ५० वर्षांवरील आणि अन्य आजार असलेल्यांना प्रतिबंधात्मक लस देण्या येणार आहेत. पहिल्या १५ दिवसांत १ कोटी २५ लाख लोकांनी लस देण्याची योजना आहे.
एखाद्या रुग्णाला लस दिल्यानंतर प्रत्येकाला ३० मिनिटे थांबविले जाणार आहे. कारण, रक्तदाब, तापमान आणि हृदयाचे ठोके तपासून रुग्णाला सोडण्यात येणार आहे. प्रत्येकाला लस घेताना आपले आधार कार्ड दाखवावे लागणार आहे.
हेदेखील वाचा : करोना लस आता नजरेच्या टप्प्यात