सोलापूर : सोलापूर जिल्ह्यातील तडीपार असलेल्या नगरसेवक पुत्राने त्याच्या साथीदारासह एका व्यक्तीस मारहाण केली आणि ते फरार झाले होते. पोलिसांनी त्यांना पुण्यातून ताब्यात घेतले आहे.
विकी जाधव (रा. सेेटलमेंट, सोलापूर) असं नगरसेवक पुत्राचे नाव आहे. तर संदीप राम गायकवाड (रा. सेटलमेंट, सोलापूर) असं विकीच्या मित्राचे नाव आहे.
अधिक माहितीनुसार, विकी जाधव याला सोलापूर पोलिससानी शहरातून तडीपार करण्यात आले होते. तर, तडीपारचा आदेश असताना सुद्धा विकीने 16 मार्च (2021) मध्ये एका नागरिकाच्या दुचाकीस धडक दिली होती. तसेच त्याला धडक देऊन तू मला ओळखत नाही का ? मी कोण आहे, असं म्हणत शिवीगाळ आणि दमदाटी केली. त्यानंतर त्या व्यक्तीला दगडाने मारहाण देखील केली.
मारहाण करून विकी हा त्याच्या साथीदारासह पसार झाला होता. या मारहाणीत जखमी झालेल्या व्यक्तीने याप्रकरणी विजापूर नाका पोलिस ठाण्यात तक्रार दाखल केली. या फिर्यादीवरून त्या दोघांविरुद्ध गुन्हा दाखल झाला होता.