मुंबई ः द डर्टी पिक्चर आणि लव, सेक्स और धोका यासांरख्या चित्रपटातून नावारुपाला आलेली अभिनेत्री आर्या बॅनर्जी हिचा संशयास्पद मृत्यू झालेला आढळून आला आहे. तिचा रक्ताने माखलेला मृतदेह दक्षिण कोलकाताच्या जोधपूर पार्कमधील तिच्या फ्लॅटमध्ये आढळला.
घडलेली घटना अशी की, कामवाली बाई कामासाठी घरी आली होती. तिने अनेकदा फोन करूनदेखील आर्याकडून उत्तर आले नाही. त्यानंतर कामवाली बाईने पोलीस स्टेशनला कळविले. पोलीस या घटनेचा तपास करत आहेत.
घटनेची माहिती मिळताच पोलीस तिच्या फ्लॅटवर पोहोचले. दरवाजा आतून बंद होता. दरवाजा तोडून पोलिसांनी आतमध्ये प्रवेश केला. बेडवर आर्याचा मृतदेह रक्ताने माखलेला दिसला. तिच्या नाकातून रक्त वाहत होतं आणि तिने उलटीदेखील केली होती. प्रसिद्ध सितारवादक पंडीत निखील बॅनर्जी यांची सर्वात लहान मुलगी आर्या बॅनर्जी होती.
