मुंबई : एसटी महामंडळाने आपल्या सर्व प्रकारच्या बस तिकीट दरात महिलांना 50 टक्के सवलत देण्याचा निर्णय घेतला आहे. त्याची अंमलबजावणीही सुरू झाली आहे. त्यामुळे महिलावर्गात आनंद असताना आता या आनंदात आणखी भर पडली आहे.
एसटी महामंडळाने आपल्या सर्व प्रकारच्या बस तिकीट दरात महिलांना 50 टक्के सवलत देण्याचा निर्णय घेतला आहे. त्याची अंमलबजावणीही सुरू झाली आहे. त्यामुळे महिलावर्गात आनंद असताना आता या आनंदात आणखी भर पडली आहे.
विशेष म्हणजे संपूर्ण राज्यातील खासगी ट्रॅव्हल्स असा निर्णय घेऊ शकतात. हा पॅटर्न संपूर्ण राज्यातही लागू होऊ शकतो. त्यामुळे महिलांना मोठा दिलासा मिळेल, अशी आशाही चंद्रपूर-गडचिरोली ट्रॅव्हल्स असोसिएशनच्या सदस्यांनी व्यक्त केली आहे.
राज्याच्या अर्थसंकल्पात उपमुख्यमंत्री देवेंद्र फडणवीस यांनी महिला सन्मान योजनेची घोषणा केली होती. यात राज्य परिवहन महामंडळाच्या सर्व प्रकारच्या बस तिकीट दरात 50 टक्के सवलत देण्याची घोषणा केली होती. महिलांच्या सन्मानासाठी ही योजना जाहीर केल्याचे देवेंद्र फडणवीस यांनी सांगितले होते. राज्य सरकारने घेतलेल्या या निर्णयाचे चंद्रपूर-गडचिरोली ट्रॅव्हल्स असोसिएशनने स्वागत केले आहे.
चंद्रपूर-गडचिरोली ट्रॅव्हल्स असोसिएशनचे अध्यक्ष चंदन पाल म्हणाले की, खाजगी ट्रॅव्हल्सने प्रवास करणाऱ्या महिलांची संख्या मोठी आहे. सरकारप्रमाणेच महिलांच्या सन्मानासाठी आम्ही हा निर्णय घेतला आहे. दरम्यान, या निर्णयाबद्दल महिला प्रवाशांनीही आनंद व्यक्त केला आहे. ट्रॅव्हल्स असोसिएशनच्या या निर्णयामुळे महागाईचा भार कमी होईल, अशा भावना महिला प्रवाशांनी व्यक्त केल्या आहेत.